Eth Conselh s’ahigerà ara Associacion Espanhòla de Municipis de Montanha

12/02/2021

Eth Conselh Generau d’Aran s’ahigerà ara Associacion Espanhòla de Municipis de Montanha dempús d’auer artenhut es vòts favorables de besonh en darrèr Plen extraordinari. 

Aguesta Associacion neishec damb era pretension d’èster un estrument ath servici des municipis de montanha, tà méter en valor aguestes zònes, deféner es sues reivindicacions e convertir es pòbles en referents sociaus e economics.

Segontes eth govèrn aranés, formar-i part pòt èster plan beneficiós entath país. 

Actuauments era Associacion Espanhòla de Municipis de Montanha compde damb 274 municipis de tot er Estat espanhòu e 4 deputacions provinciaus associades. Entre eres, era Deputacion de Lhèida.

Laura Rodríguez