Eth Conselh Generau d’Aran organize ua jornada sus parpalhòles

05/07/2018

Es dies 6 e 7 de junhsèga eth Conselh Generau d’Aran a trauès deth departament d’Agricultura, Ramaderia e Miei Naturau organize ues jornades entà descorbir eth fascinant mon des parpalhòles diürnes dera Val d’Aran

Es jornades consistiràn ena presentacion deth nau pannèu ‘Es parpalhòles dera Val d’Aran’ e ua gessuda pera ribèra de Bagergue, damb er objectiu de desvelhar era curiositat e era coneishença d’aguesta espècia as assistents.

Era presentacion deth nau pannèu debanarà ena sedença deth Conselh Generau d’Aran eth diuendres dia 6 tas 19:00 ores, e era gessuda pera ribèra de Bagergue eth dissabte dia 7 de junhsèga entre es 10:00 e es 14:00 ores.

Es inscripcions son gratuïtes e se pòden realizar per auançat en tot trucar ath 973 64 18 01 o en tot enviar un corrèu electronic a [email protected]
Laura Rodríguez