Pendent eth darrèr Plen deth Conselh Generau d’Aran s’aprovèc ua modificacion de credit que permeterà desvolopar 3 projèctes de gran incidéncia en territòri e que compden damb ua elevada inversion economica.

Eth bastiment dera naua residéncia geriatrica en Baish Aran ei un projècte que, en principi s’auie de finançar damb hons dera Generalitat mès que, peth moment, se realizarà gràcies as Hons de Romanent deth pròpi Conselh.

Pendent aguest plen s’aprovèc tanben era adjudicacion definitiua dera Aubèrja Era Garona de Salardú ara Fondacion Pere Tarrés, dempús qu’eth govèrn aranés aportèsse toti es documents administratius necessaris e realizèsse quauques milhores ena infraestructura.

Ei previst que pendent es pròplèus dies se signe eth contracte d’arrendament e qu’eth nau gestor comence a foncionar abantes deth 24 de noveme, en tot coincidir damb er inici dera tempsada d’esquí.