Encara que tot semble indicar qu’en junhsèga se produsirie era redubertura des termières, encara non i a ua data oficiau concrèta. 

Quauquarren que le trè eth sòn as parçans que viuen de forma lèu dirècta dera economia de termièra, coma ei eth cas dera Val d’Aran, e mès concretaments deth Baish Aran. 

En aguest sens, eth  Sindic d’Aran hec arribar as Ministèris d’Exterior, Interior e Sanitat der Estat espanhòu ua demana tà accelerar era redubertura dera termièra, en tot allegar era importància qu’a entà Aran era relacion damb França. 

Aguesta redubertura dera termièra ei primordiau entara reactivacion dera economia aranesa, sustot entàs municipis deth Baish Aran de fòrta activitat comerciau, coma ei eth cas de Les o Bossòst.

Se ben ei cèrt que bèth comèrç deth Baish Aran s’a atrevit a daurir, era majoria demore damb impaciéncia era redubertura dera termièra entà hè’c.