Era exposicion Era Pagesia en Aran reflectís era vida en país enquia hèr diuèrsi decennis

01/08/2017

Enquiath 31 d'agost se pòt veir ena Sala d'Exposicions de Vielha de dimars a dimenge de 19:00 a 21:00

Era Sala d’Exposicions de Vielha acuelh pendent tot eth mes d’agost era exposicion “Era Pagesia en Aran”. Un accion qu’amie a tèrme era Fondacion Musèu Etnologic dera Val d’Aran amassa damb er Ajuntament de Vielha e Mijaran, ena que i trapam un centenat de fotografies restacades damb era pagesia deth país a compdar de 1928 enquia aué dia. En tot veir ua evolucion dera manèra de trebalhar, atau coma des pòbles. Ath delà, tanben i trapam ua colleccion d’estruments que s’emplegauen e s’empleguen en sector primari, e que de ben segur, fòrça gent dera Val d’Aran encara rebrembe.

Era pagesia a estat era principau manèra de víuer ena Val d’Aran enquiara creacion de Baqueira-Beret enes ans 60 deth sègle XX. Per tant, fòrça des estruments encara son en bon estat, pr’amor que non an passat fòrça ans des de que se deishèren d’emplegar. Era gent mès joena e visitaires, pòden conéisher de prumèra man, que supausaue viuer dera pagesia.

Era exposicion demorarà dubèrta enquiath 31 d’agost. Era entrada ei totauments gratuïta e se pòt visitar de dimars a dimenge en orari de 7 a 9 deth vèspe.

Manu Moga