Deman, dimenge 29 de Junhsèga, se celèbre era XXVau edicion dera corsa d'Aran per sa Lengua

28/07/2018

Es corredors e caminaires tornaràn a gésser des de Montgarri, Tredòs, eth Pòrt de Vielha e Les, entà arribar ath torn des 20:15 ores ena plaça dera glèisa de Vielha.

Es participaires arribaràn en Vielha en tot cargar es terçons, que permeteràn diboishar eth mapa d’Aran ena plaça dera glèisa, e es bandères qu’era adornaràn. Pendent er acte, que compdarà damb era preséncia deth sindic d’Aran, Carlos Barrera, se liegerà eth manifèst deth collectiu Lengua Viua, e se liurarà eth prèmi Lengua Viua, creat entà laudar eth trabalh de persones, collectius o institucions en defensa der aranés. Tanben se liurarà eth prèmi ath dessenh dera samarreta qu’enguan deth 25au aniversari a estat realizada per Aleix Filloy Cavero.

Era hèsta d’Aran per sa Lengua finalizarà damb eth concèrt deth grop Nadau.

Aguesti son es oraris d'Aran per sa Lengua:

  • 12h00 Gessuda des de Les (en tot caminar)
  • 12h00 Gessuda des de Montgarri (en tot caminar)
  • 12h50 Parada en Bossòst, plaça dera glèisa
  • 14h30 Gessuda des de Tredòs (en tot caminar)
  • 15h00 Es Bòrdes, minjar toti amassa, cadun morralet pròpri
  • 15h00 Unha, minjar toti amassa, cadun morralet pròpri
  • 17h00 Gessuda d’Es Bòrdes
  • 17h00 Gessuda d’Unha
  • 17h00 Gessuda des de Montgarri (en tot córrer)
  • 18h30 Gessuda d’Arties, plaça Urtau
  • 20h15 Arribada ena plaça dera glèisa de Vielha. Parlaments. Liurament deth Prèmi Lengua Viua
  • 20h30 Concèrt deth grop Nadau
Bona hèsta d'Aran per sa Lengua entà toti!
Laura Rodríguez