Eth Departament de Cultura dera Generalitat, amassa damb eth Conselh Generau d’Aran e er Ajuntament de Les an acordat era reabilitacion dera Casa Haro de Les coma sedença deth Centre d’Interpretacion des Hèstes deth Huec. 

Eth Sindic d’Aran, Carlos Barrera, afirme qu'eth projècte dera Casa Haro ei un des passi naturaus de reconeishença e defensa dera cultura e er auviatge aranés dempús qu'es Hèstes deth Huec de Les e Arties sigueren declarades Auviatge Immateriau dera Umanitat pera Unesco en deseme deth 2015.

Era sedença d'aguest Centre d’Interpretacion, atau coma eth projècte museistic, tanben aurà ua antena ena poblacion d’Arties.

Eth finançament des òbres de reabilitacion d'aguest espaci, qu'aurà un impòrt de lèu300.000 euròs, anarà a cargue deth Departament de Cultura catalan, a trauès dera subvencion concedida pera Oficina de Supòrt ara Iniciatiua Culturau (OSIC) ath Govèrn d'Aran, e que gerirà er Institut Catalan deth Solèr mejançant era encomana de gestion per execucion des òbres.

IMATGES: CONSELH GENERAU D'ARAN