Per dusau an, er hestivau de genre nere Black Mountain Bossòst acabe damb un gran èxit d'assisténcia, en tot créisher en participacion e en tot espandir-se a d’auti municipis aranesi, atau coma ara ciutat francesa de Tolosa.

Aguesta iniciatiua, impulsada per escrivan e vesin de Bossòst, José Luis Muñoz, e er Ajuntament deth municipi, demòstre qu'er Aran ei molt mès qu'un territòri de nhèu.

Pendent er acte de clausura se premièren diferents libres e relats e s'autregèc eth Prèmi Black Mountain Bossòst a tota ua trajectòria laguens eth genre nere ath gran escrivan Juan Madrid, fòrça emocionat per aguest reconeishement e que declarèc auer començat, dempús d'un an de blocatge, era sua naua òbra, que se demore que sigue presentada ena tresau edicion d'aguest hestivau culturau.

Es comissaris de Black Mountain Bossòst se mostrèren fòrça satisfèts peth balanç positiu dera dusau edicion der hestivau e afirmèren que dejà se trapen trebalhant de cara ar an que ven.