Bagergue, certificat un des pòbles mès polits d'Espanha

25/01/2019

Era localitat aranesa se some ar hilat des Pòbles mès Polits der estat, que compde damb 79 poblacions

Bagergue a arrecebut aué, 25 de gèr, eth certificat coma un des pòbles mès polits d'Espanha en acte realizat en stand de Turespaña, ena Hèira Internacionau de Torisme (FITUR) de Madrid.

Eth baile era tinent de baile dera EMD de Bagergue, Marc Tarrau e Ariadna Farrés, an estat presents en acte d'entrega e presentacion de Bagergue coma naua poblacion integrant der hilat de "Es Pòbles mès Polits d'Espanha", amassa damb eth Conselhèr e Deputat provinciau, Paco Boya.

Entà Tarrau e Farrés "aguesta distincion mos permet mercar-mos en mapa toristic nacionau e internacionau damb un sagèth de qualitat, e aufrir mès oportunitats a toti es vesins deth pòble".

Er acte, a on se celebraue era entrega oficiau deth certificat e era presentacion des 11 naui pòbles qu'an entrat en hilat aguest 2019, a estat presidit peth Subsecretari d'Estat de Torisme, Fernando Valdés, era Secretària d'Estat dera Espanha Globau, Irene Lozano Domingo, e eth President der hilat de Es Pòbles mès Polits d'Espanha.

Amassa damb Bagergue, aguest 2019 s'an incorporat ad aguest hilat Bonilla de la SierraViniegra de Arriba e Viniegra de AbajoTazonesNíjarCarmonaSan Martín de Trevejo, Roda de IsábenaSetenil de las Bodegas e Potes.

IMATGES: MARC TARRAU

Clara Villar