Aprovat eth pressupòst der Ajuntament de Naut Aran en 6.700.000 èuros

22/11/2018

Er Ajuntament deth Naut Aran a aprovat es pressupòsti deth 2019 en sòn darrèr Plen extraordinari. Damb 6.700.000 èuros, aguest pressupòst ei eth mès naut aprovat per aguest govèrn. Ua quantitat que represente un aument de 13% respecte er an anterior.

Es entitats menors descentralizades perceberàn aguest an 200.000 èuros en sòn conjunt. Ua chifra major ara der an passat e que met de manifèst era importància des EMD coma bones coneishedores des besonhs des ciutadans de cada pòble. Ath delà, se crearàn tres naues places de trabalh en Ajuntament deth Naut Aran.

Eth concors entà optar ad aguestes places gesserie en març deth pròplèu an entà qu’es naui trabalhadors s’incorporèssen pògui mesi dempús.

Ath delà, un aute acòrd ath que s’a arribat en aguest plen ei eth de demanar ara Generalitat era autorizacion dera venta de tres parcèles. Aguestes finques urbanes se trapen plaçades en Gessa, Arties e Baqueira. Er objectiu ei eth de dedicar  es ingrèssi d'aguestes ventes ath bastiment d'ua futura residéncia tara tresaua edat en Naut Aran.

En matèria d'Urbanisme, eth Plen tanben a aprovat de forma provisionau eth projècte d'ampliament deth talhèr plaçat en còta 1800 de Baqueira/Beret.

Laura Rodríguez