Era Unió de Pagesos celebrèc en Vielha era prumèra amassada informativa dera sua campanha sus es damatges causadi pera fauna protegida ara ramaderia e era agricultura, ua campanha que cerque daurir un debat seriós sus era situacion actuau dera montanha.

Pendent aguesta amassada, era Unió de Pagesos demanèc as ramaders que denóncien es atacs der os entà poder hèr front de forma conjunta ara administracion.

Es ramaders aranesi volèren deishar clar tanben qu’es compensacions qu’aufrís era administracion pera mòrt d’un des sòns animaus a mans der os ei insuficienta pr’amor que non compense ne eth temps e era cura invertits ne es conseqüéncies qu’a aqueth atac ena rèsta deth ramat.

Mès enlà des afectacions ath bestiar, es ramaders insistissen en qu’aguesta situacion afècte ath conjunt dera societat, dejà qu’eri realizen un trebalh de manteniment des prats e montanhes imprescindible.