“Era ramaderia extensiva deth Pirenèu e er os non son compatibles”. Aguesta ei ua des conclusions as quaus arribèren es pagesi deth territòri pendent era sua darrèra amassada en Vielha, a on s’acordèc crear ua plataforma a on s’agrupen es associacions de shivaus, vaques e oelhes e crabes entà préner accions sus era preséncia der os.

Era preocupacion laguens deth sector ei cada còp mès patent e afirmen que va mès enlà des atacs de Goiat, er exemplar mès problematic.

Es ramaders dera Val d’Aran cerquen qu’aguesta plataforma sigue dubèrta a diferents sectors pr’amor qu’entenen qu’era preséncia d’ossi en territòri tanben les afècte.

Ei clar qu’eth des pagesi e es ossi ei un problèma fòrça grèu, e qu’era creacion d’aguesta naua plataforma ei sonque eth prumèr pas d’un camin molt long entà trapar ua possible solucion as constants atacs que patís era ramadera en parçan.