Mès de 300 persones ena manifestacion contra es damatges qu'ocasione era fauna protegida ena ramaderia e agricultura

31/08/2018

Multitudinària manifestacion convocada per Unió de Pagesos en Vielha entà denonciar es damatges qu'ocasione era fauna protegida ena ramaderia e agricultura de montanha. Més de 300 persones i an participat jos eth lèma “Eth territòri de montanha, en luta”.

Eth sindicat Unió de Pagesos exigís mesures efectives que permetiguen era subsisténcia dera ramaderia en Pirenèu e eth sòn foment entre eth collectiu mès joen ath madeish temps que se protegís era biodiversitat.

Tanben, afirmen, era extraccion der os Goiat, er exemplar mès agressiu, non meterà fin ath problèma.

Es pagesi non an estat es unics a participar en aguesta manifestacion, senon que tanben s’i an somat excorsionistes e toristes que visiten de forma abituau era Val d’Aran.

Ena darrèra amassada entre era Generalitat e eth Conselh Generau se determinèc extrèir a Goiat, e se prometec elaborar un estudi entà determinar eth nombre d’ossi e delimitar era activitat umana enes Pirenèus entà préner futures decisions.

 

 

Laura Rodríguez