Gran èxit deth bestiar aranés en Xau Concors Nacionau de Shivau Pirenenc Catalan

18/11/2017

Un còp mès, es shivaus aranesi tornen a destacar. Aguest còp ena 10au edicion deth Concors Nacionau de Shivau Pirenenc Catalan, qu'a agut lòc aué en Esterri d'Àneu

I an participat exemplars d'enquia ueit comarques catalanes, mès eth bestiar aranés a subergessut, en tot pujar ath lòc mès naut deth pòdium en tres des sies categories.

Ena categoria de sementals, eth shivau de Segio Mir a artenhut era prumèra posicion.
 
Prumèrs classificats aranesi tanben ena categoria de parelhes: Melvita e Zeus, de Joan España.

Era terçona d'Albert Boya a artenhut er aur ena sua categoria, mentre qu'eth terçon s'hège damb era cincau posicion

Un gran èxit entà toti es animaus e sòns propietaris, que de ben segur tornaràn çò de mès orgulhosi tà casa.

IMATGES: EVA VALDIVIA
Clara Villar