Eth show-cooking de Garòs barre damb exit era 6au Era Mongetada

29/10/2017

Eva Hausmann e James Goodyear an estat es codinèrs convidadi enguan ena hèira gastronomica

Pendent aguest dimenge, Garòs a acuelhut era 2au Jornada d’Era Mongetada d’enguan, damb era celebracion deth show-cooking. Un eveniment en qu’era mongeta a tornat a èster era protagonista, damb era elaboracion de desparièrs plats elaborats a partir d’aguest producte. Ua setantia de persones an podut gaudir d’aguest dinar, a on es codinèrs convidadi enguan an estat Eva Hausmann e James Goodyear. Ath delà dera mongeta, es embotis e sus tot eth vin e eth cava tanben an agut eth sòn protagonisme.

 Damb eth show-cooking de Garòs, a finalizat ua naua edicion d’Era Mongetada dera Val d’Aran, qu’enguan dejà a celebrat era 6au edicion. Coma cada an, centenats de persones an passat pes diuèrses actiuetats organizades en Bossòst e Garòs, en tot méter en valor era mongeta autoctòna dera Val d’Aran.

Manu Moga