Er os Goiat aucís ua cavala en Bausen

17/04/2018

Coma a informat eth Conselh Generau d'Aran, entre eth dissabte e dimenge passat, 14 e 15 d’abriu, er os Goiat tornèc a atacar en municipi de Bausen, en tot aucir a ua cavala
Gràcies ath colhar damb senhau GPS que pòrte er os Goiat se localizèc ar animau ena zòna pendent aumens tres ores. 

Concrètaments en Bausen, hè sonque ues tres setmanes, s'enregistrèc eth prumèr atac de Goiat ena Val d’Aran, a on provoquèc danhs a dus brinhons.

Tecnics deth Conselh Generau d’Aran se desplacèren ath lòc des hèts entà documentar es danhs, cercar excrements der os damb era ajuda de gossets, e installar camères automatiques entà fotografiar-lo en cas que tornesse tara zòna. Enacara ara demora de ua confirmacion finau, de moment toti es indicis indiquen qu’era cavala siguec mòrta per atac der os.

Laura Rodríguez