Cors sus es rapinaires dera Val d'Aran

25/09/2018

Es pròplèus dies 29 e 30 de seteme, s'aufrirà un cors sus es rapinaires dera Val d’Aran qu'aurà lòc ena Escòla Tecnics Esportius dera Val d'Aran (ETEVA), plaçada ena Aubèrja Era Garona de Salardú.

Eth cors començarà eth dissabte, dia 29, tas 10:00 ores damb era recepcion e presentacion deth cors e era explicacion des caracteristiques generaus des rapinaires peth maitin, e era identificacion des rapinaires mès representatius dera Val d’Aran, pera tarde. Era jornada deth dissabte tanben includís ua gessuda de camp damb dinar de picnic.

Eth dimenge dia 30 de seteme era activitat deth cors consistirà en ua gessuda de camp a compdar des 09:30 enquias 13:00 ores.

Eth des rapinaires ei un grop d’audèths fòrça admirat, non sonque pes aficionadi ara ornitologia, senon per toti es naturalistes. Fòrça soent, totun, sorgissen diuèrsi dobtes ara ora d'identificar-les. Er objectiu d'aguest cors ei, non sonque facilitar es estruments entara corrècta identificacion d'ua espècia, se non tanben ena mesura deth que sigue possible, era edat e eth sexatge des 27 espècies que trapam en Catalonha de manèra regulara.

Totes es persones interessades en arrecéber informacion o participar en cors se pòden inscríuer en tot picar ath 973 64 18 01 o en tot enviar un corrèu electronic a g.vilo@aran.org.
Clara Villar