Eth Departament d'Agricultura, Ramaderia, Pesca e Alimentacion dera Generalitat dejà a informat qu'a compdar d'aué, dijaus 15 de març e enquiath pròplèu 15 d'octubre non se poirà alugar huec en terren forestau en tota Catalonha. 

Aguesta proïbicion a coma principau objectiu establir ua seria de mesures entà previer es incendis forestaus. 

Era norma, remassada en Decret 64/1995, establís qu'enes terrens forestaus (poblats e non poblats d'arbes) e en un radi de 500 mètres non se pòt alugar huec sigue quina sigue era finalitat. 
 
Laguens des airaus recreatius e d'acampada, atau coma enes parcèles des urbanizacions, se poirà alugar huec tostemp que s'hèsquen a servir barbacòes d'òbra. 

En çò que va d'an i a agut en Catalonha 41 incendis forestaus e s'an cremat un totau de 39,18 ectares.

IMATGE: GENERALITAT DE CATALONHA