Aguestes imatges que cada an se repetissen ena aubèrja de Salardú, non se poiràn gaudir enquiath 2021. 

Era Associacion Espanhòla Contra eth Càncer de Lhèida a hèt oficiau era suspension des colònies gratuïtes entà mainatges d’entre 7 e 15 ans que patissen o an patit bèra malautia oncologica. 

Era grèu pandèmia deth Coronavirus que viuem impossibilite era celebracion dera 21au edicion des colònies, qu’estaue prevista deth 19 ath 26 de junhsèga.

Entre es arrasons d’aguesta anullacion, se i trape eth risc de naues ondades de contagi sense auer ua vacuna ne tractaments segurs, entre d’auti motius.  

Era incertitud des opcions d’autorizacion sus es activitats de léser e de concentracion de persones en un madeish espaci tanben sostien era cancellacion d’aguestes colònies. 

Ath delà, dejà s’a prenut ua decision en çò que tanh as sòs qu’estauen destinadi entad aguestes colònies.

Des dera AECC dejà se trapen en tot trabalhar enes colònies der ostiu deth 2021.  Auancen que seràn plies d’activitats especiaus entà toti.