En barrar er an 2018, er Ajuntament de Naut Aran auie un romanent de tresoreria de 3.400.000 euròs. Pendent eth darrèr plen ordinari dera legislatura, eth consistòri a aprovat ua prumèra modificacion de crèdit de 720.000 euròs tà destinar a inversions.

En aguest plen eth Partit Renovador d'Arties e Garòs (PRAG) a anonciat que prenerà accions legaus per estat des canaus d'aigua en Arties e en conjunt deth territòri, accions que compdaràn damb eth supòrt der Ajuntament que tanben demanarà ua amassada urgenta damb era presidenta dera Confederacion Idrografica der Ebre (CHE) entà expressar es preocupacions des vesins d’Arties sus era seguretat e estat d'aguestes infraestructures.

Mès enlà d’açò, eth grop d'Unitat d'Aran (UA) a demanat pera situacion de quauqui parcatges en Val de Ruda que se estauen destinant a d’auti usi que non èren es corresponenti.

UA presentarà tanben ua demana pera situacion d’un supausat seguit d’apartaments en Gessa que s’estan destinant a viuenda quan auien sonque licéncia de locau comerciau.