Excellenta acuelhuda dera VI "Ostalhèira" dera Escòla d'Ostalaria de Les

08/05/2019

Tot e qu’eth pòble de Les ei un des que mès ath nòrd se trape dera Val d’Aran, s’a convertit per un dia en eth que se trape mès ath sud: e açò a estat gràcies ara celebracion dera siesau Ostalhèira.

Aguest eveniment, organizat pera Escòla d’Ostalaria de Les, acuelh tot çò restacat damb era "’Hèira d’Abriu" e damb era cultura e costums d'Andalusia. Ua jornada ara que 70 persones non dobtèren en préner part, en tot gaudir des sabors andalusi e lúder ròba tematica.

Suberges er esfòrç amiat a tèrme pes lèu 60 alumnes dera Escòla d’Ostalaria de Les, responsables deth servici, era organizacion e era elaboracion deth minjar dera Ostalhèira.

Enguan se compdèc damb musica en dirècte. Ath delà, eth menu que s’aufric a toti es assistents non poguec èster mès ara nautada dera jornada.

Era Ostalhèira se consolide dejà coma un des eveniments clau ena Escòla d’Ostalaria de Les. E se pòstule coma ua excellenta demostracion deth gran trabalh realizat tant pera equipa docenta coma pes alumnes.

Laura Rodríguez