Eth Conselh demane eth traslat de Goiat çò de mès lèu possible

18/10/2018

Es nombrosi atacs de Goiat a disparièrs caps de bestiar an estat eth principau motiu entara disconformitat deth territòri ara reintroduccion der os. Er hèt de pèrder era senhau GPS ère motiu de preocupacion entàs aranesi mès, era gran intervencion des Agents Ruraus e es tecnics deth Conselh Generau d’Aran, an hèt possible eth sòn reemplaçament.

Ara, un còp apraiada aguesta problematica, des deth Conselh se demane auer aguest mascle tostemp localizat e, un còp aprovat eth protocòu sus eth comportament des ossi reintroducidi, se procedisque tan lèu coma sigue possible ara sua captura e repatriacion.

Eth govèrn aranés demane ara Generalitat era maxima agilitat entà aprovar eth Protocòu d'intervencion e gestion d'ossi problematics enes Pirenèus.
Clara Villar