En junhsèga auec lòc eth rodatge, ena Val d’Aran, e aué, dijaus 24 de seteme, aurà lòc era sua estrea en television. 

Era sèrie Èm çò qu’èm, era prumèra en aranés, s’estrearà aué tàs 22.55 ores en Lleida TV e s’emeterà en aguesta cadea toti es dijaus ad aquera ora.

Tanben se poderà campar en totes es televisions locaus de Catalunya a trauès de La Xarxa es diuendres tàs 08:55o. deth maitin.

Aguesta sèrie ei impulsada peth Conselh Generau d’Aran e coprodusida amassa damb Lleida TV tà prebotjar era normalizacion lingüistica der aranés a trauès dera ficcion e er umor des sòns guions.

Es capítols tanben se poderàn campar ena plana web des programes de Lleida Televisió, un viatge s’agen emetut ena cadea.

Peth moment, rebrembatz, aué dijaus 24 de seteme auem ua cita en aranés damb “Èm çò qu’èm” tàs 22.55 ores en Lleida Televisió.