Era Deputacion de Lhèida apròve era milhora d'un nau tram dera carretèra d'accès a Vilamòs e Arres

05/02/2018

Se condicionarà un tram de lèu 3 kms dera LV-5055 damb ua inversion de 2 milions d'èuros apruprètz

Era Comission de Servicis Tecnics dera Deputacion de Lhèida a aprovat pendent aguest deluns era melhora d'un tram de lèu 3 kms dera LV-5055 d'accès as pòbles de Vilamòs e Arres. Concretaments, se condicionarà e s'apariarà eth tram que va deth pk 2+840 enquiath 5+605, e qu'aurà ua inversion d'1.828.343,19€. 

Çò que s'a hèt, per ara, ei aprovar eth projècte constructiu e a compdar d'ara s'aurà d'amiar a tèrme era licitacion entà poder establir es terminis finaus des trebalhs ena aguesta carretèra. Cau rebrembar, qu'aguesta LV-5055 ja compde damb eth tram condicionat enes sòns prumèri 1200 mètres des de 2014.
Manu Moga