Dus mesi e miei. Aguest ei eth temps qu’a calut entà qu’eth silenci absolut tornèsse a dar pas a un leugèr tapatge en Institut d’Aran. 

Nau alumnes de quatau d’Eso an estat es prumèri en tornar tàs aules dempús deth patac deth Coronavirus. E ac an hèt damb era signatura d’ua declaracion responsabla conforme non son vulnerables dauant era Covid-19 e damb eth carnet des vacunes en orde. Quauquarren que tanben s’a requerit ath professorat.

Ath delà, aguesta tornada s’a realizat jos fòrtes mesures de prevencion. 

Er objectiu, mantier era distanciacion entre alumnes. En aguest sens, tanben s’a installat ua senhalizacion entà bastir un intinerari segur en centre. 

Ua auta norma qu’a deishat era administracion ei qu’aguestes classes en cap cas pòden auançar matèria educativa. 

De moment aguestes classes son previstes entà quatau d’Eso, dusau de Bachelierat e clicles formatius, en tot auer previst era darrèra classe entath 19 de junh.