Er Ajuntament de Vielha e Mijaran cree es figures des fradins/es en tot incorporar as òmes en er acte de coronacion

06/09/2019

Aguestes imatges dera Hèsta Major de Vielha non se tornaràn a repetir. E ei que d’acòrd ath progrès en matèria d'igualtat, er Ajuntament de Vielha e Mijaran a decidit includir era figura masculina en çò qu'enquia ara ère er acte de coronacion des reines e dames d'aunor de Vielha.

Aguesta naua mesura afectarà per ara as fradins e fradines majors. En nivèu infantil se contunharà en tot coronar as mainades, maugrat que se demore esténer era iniciatiua entad a eres tanben.

Andreu Perdices e Alberto Ginés seràn es dus prumèrs fradins coronadi ena istòria dera Hèsta Major de Vielha, qu'anaràn acompanhadi per Ares Pagés e Alba Manero.

En çò que tanh as calificatius de "fradins e fradines" escuelhudi entà nomentar aguesta naua figura inclusiva en acte de coronacion, vau a díder que non ei un nòm prenut ar azard.

Aguest acte de coronacion des fradines e des fradins de Vielha debanarà eth dissabte 7 de seteme a compdar des 6 dera tarde.

Laura Rodríguez