Era darrèra conferéncia organizada per Esmontañas ena Val d’Aran, qu’auec lòc en Ajuntament de Vielha, auec coma protagoniste eth concepte bioeconomia. Ena exposicion, qu’anèc a cargue deth catedratic Eduardo Rojas, se i plantejèren es rèptes ath qu’eth mon s’enfronte en çò que tanh ara obtencion d’ua economia sostenible en emplec des recorsi. Rèptes restacadi damb era bioeconomia.

Un plantejament que cada viatge ei mès de besonh deuant es consequéncies devastadores dera crèma de combustibles fossils, coma eth petròli, que genèren eth cambi climatic. Un fenomen que nèish arran es emisions de Co2 e qu'era bioeconomia poirie ajudar a combàter.

Er objectiu ei arténher ua economia damb baishes emissions e innovadora, que reconcílie es demanes d'ua agricultura e pesca sostenibles damb ua alimentacion assegurada. Ua economia que garantisque un emplec sostenible, per part dera industria, de recorsi biologics renovables, ath madeish temps que s'assegure era biodiversitat e er emparament mieiambientau.