"Èm çò qu'èm", era prumèra produccion seriau en aranés, dejà cauhe motors

09/07/2020

Èm çò qu’èm. Aguest ei eth títol dera prumèra produccion seriau en aranés, qu’a er ànim d’aproprar e fomentar er aranés a trauèrs de 15 capitols de 3 menutes cadun que protagonizaràn ueit persones dera vida vidanta d’Aran.

Dejà s’a dat eth tret de gessuda ath casting entà escuélher aguesti personatges, qu’a compdat damb ua participacion d’ua trentea de candidats.

Èm çò qu’em, coprodusida peth Conselh Generau d’Aran e per Lleida Televisió, serà rodada pendent es darrèri dies de junhsèga, sustot en espacis barrats, coma era escòla, un bar o ua casa tipica aranesa.

Ath delà, pendent era gravacion se seguirà eth protocòl igienic e sanitari actuau.

Er objectiu principau, ei eth de prebotjar e dar visibilitat ara nòsta lengua enes mieis audiovisuaus en Catalonha, un territòri a on er aranés gaudís d’oficialitat.

Era prevision ei qu’era estrea sigue a compdar de seteme.
c="https://player.vimeo.com/video/436843293" width="640" height="352" frameborder="0" allow="autoplay; fullscreen" allowfullscreen>
Laura Rodríguez