Vielha e Mijaran apròve eth pressupòst de 2021 damb un impòrt de 6,1 milions d'èuros

27/11/2020

Er Ajuntament de Vielha e Mijaran a aprovat en plen d'aguest diuendres eth pressupòst municipau entath 2021, damb un impòrt de 6,1 milions d’euròs.

Damb es vots en contra dera oposicion de Convergéncia Aranesa e Aran Amassa, eth pressupòst municipau a gessut endauant damb era majoria dera equipa de govèrn. 

Enguan i a agut ua baishada des ingrèssi, mès s’an aumentat es ajudes ara ciutadania entà paliar es efèctes dera pandèmia.

Pera usa part, eth grop de Convergéncia Aranesa a demanat en Plen ua baishada deth 10% der IBI, ua demana qu’era equipa de govèrn a refusat. 

Convergéncia tanben a criticat era manca de preocupacion pera situacion economica d’Aran per part deth govèrn. 

Ath delà, Aran Amassa a metut dessús dera taula era ambigüitat de bères des partides pressupostàries. 

Fin finau, ena session plenària a prenut possession era naua còsso d’Unitat d’Aran, Yolanda Riestra, que substituís a Maria Vergés, que renoncièc ath cargue en èster escuelhuda sindica d’Aran.

Laura Rodríguez