Vielha barre eth Palai de Gèu, era Bibliotèca e Era Audiovisuau

28/01/2021

Eth Palai de Gèu, era Bibliotèca Generau de Vielha e eth cinèma Era Audiovisuau son es tres equipaments municipaus de Vielha e Mijaran que demoraràn barradi, de moment, enquiath pròplèu dimars 9 de hereuèr. 

Arrebrembam qu’ençà eth 7 de gèr, en cas deth Palai de Gèu de Vielha sonque s’aufrie eth servici des piscines interiores, mès damb un aforament maxim deth 30%, e en tot demanar cita prealabla. 

Eth motiu deth barrament, se trape en increment excessiu de contagis per Coronavirus que Vielha e Mijaran a detectat darrèraments. Eth risc de rebròt en municipi se trape ath torn des 3780 punts, un des mès nauti de tota Catalonha. 

Era Escòla Mairau de Vielha e Mijaran, gestionada tanben peth madeish ajuntament, demorarà dubèrta. Se seguirà era evolucion dera pandèmia de pròp per se calesse préner d’autes decisions.

Des dera administracion se rebrembe era importància de complir damb es mesures de prevencion establides pes autoritats sanitàries entà poder revertir era situacion actuau çò de mès lèu possible.

Laura Rodríguez