Baqueira/Beret a barrat aguesta setmana era sason mès atipica que rebrembe. Eth 14 de deseme dauric damb illusion e en tot gaudir d’un Nadau damb tanti esquiaires que pendent tres dies auec de penjar eth pànneu d’aforament complèt. Enguan damb era pandèmia, a estat limitat ath 50%. 

Dempús venguec eth confinament municipau, seguit peth comarcau. Mès, tot e es condicions desfavorables, era estacion aranesa s’a mantengut dubèrta tota era tempsada, daurint e barrant sectors segontes es restriccions de mobilitat decretades en cada moment.

Era Setmana Santa coïncidic damb eth lheuament deth barrament perimetrau dera Val d’Aran, per çò qu’era gent de Catalonha poguec vier a esquiar a Baqueira. 

Bona afluéncia de gent, mès en cap cas massificacions. 

Ath delà, eth perfil d’esquiaire de Baqueira a cambiat fòrça pendent aguesta Setmana Santa, pr’amor qu’es clients de Madrid e deth País Basc, que son es principaus, non an pogut vier enguan. Per çò qu’er esquiaire catalan a estat eth majoritari damb diferéncia. 

Uns esquiaires as que tanben se demorarà ena pròplèu sason, era deth 2021/2022, amassa damb toti es auti que an darrèr an escuelhen Baqueira entà gaudir dera nhèu.