Presentada era sèrie en aranés "Èm çò qu'èm"

18/09/2020

S'auie escotat ena ràdio, tanben en informatius, mès encara en cap sèrie de television. Diden que tostemp i a un prumèr viatge entà tot, e aguest ac serà entara lengua aranesa, que irrompís damb ua sèrie de ficcion ena petita pantalha.

Se tracte d' Èm çò qu’èm, ua sèrie en aranés produsida per Lleida TV en collaboracion damb eth Conselh Generau e en era que tanben i participe Kionalia Project. 

Er objectiu, ajudar ara promocion e eth foment der aranés a trauèrs de 15 capítols damb ua longada de tres menutes e miei cadun.

Er umor, a trauès de 8 particulars personatges, ei assegurat. 

Era estrea dera sèrie, apuntatz, serà eth dijaus 24 de seteme entàs 22.55 ores dera net en Lleida TV, en tot estrear pendent cada setmana un nau capitol. 

Laura Rodríguez