Presentacion deth Massi-Kuwait Cycling Project en Garòs

18/04/2017

Ruben Caseny, ei un des integrants d'aguesta equipa ciclista

Eth Massi-Kuwait Cycling Project siguec presentat eth passat 14 d'abriu enes installacions der Otèl Vilagaròs. Pendent aguesta jornada, se dèc a conéisher era plantilha dera equipa entà enguan, atau coma eth calendari complèt de competicions e entrenaments a on participaràn es sòns integrants.

Laguens d'aguesta formacion professionau de ciclisme cau remercar era preséncia der aranés Ruben Caseny, que dejà pòrte diuèrses sasons ena equipa. Caseny, ath delà, lidere un grop de ciclistes dera província de Lhèida, a on tanben i son Marc Vilanova e Cristian Mencia. Un conjunt a on destaque era aparicion de diuèrses nacionalitats a on destaquen andorrans, colombians e belgues entre d'auti. Ath delà, des dera direccion dejà s'a assegurat era participacion des ciclistes en desparières concentracions e entrenaments qu'amiaràn a tèrme enes Pirenèus e Pre-Pirenèus de Lhèida. 

Un an mès, eth director esportiu deth Massi-Kuwait Cycling Project ei, eth tanben aranés, Manu Caseny. 


IMATGE: Ruben Caseny
Manu Moga