Huec controlat en Naut Aran

02/03/2017

Eth huec s’a provocat premeditadament entà acabar de netejar era putja dera montanha e previer possibles incendis

Aguesta tarde un grup de pompièrs deth Grup de Supòrt d'Actuacions Especiaus (GRAE) dera Generalitat, amassa damb es Pompièrs d’Aran an iniciat un huec controlat pròp dera zòna que cremèc eth passat mes de gèr en Garòs per pròpia decision deth Conselh Generau d’Aran.

Aguest incendi, provocat e controlat en tot moment, afecte, segontes eth Conselhèr de Territòri deth Govèrn d’Aran, José Antonio Boya, ath torn d’ues 100 ectares e s’a iniciat entà acabar de netejar era putja dera montanha e previer possibles huecs. Era prevision ei acabar de demortar-lo deman madeish.   

IMATGES: CONSELH GENERAU D'ARAN

Clara Villar