Francés Boya deisharà d'èster sindic d'Aran entà aucupar un cargue en govèrn espanhòu

27/10/2020

Francés Boya deisharà eth cargue de sindic d’Aran. 

Eth motiu se trape en sòn nomentament entà entestar era Secretaria Generau entath Rèpte Demografic. Un cargue qu’eth Conselh de Ministres der Estat espanhòu dejà a confirmat e que segontes era Lei d’Aran ei incompatible damb es foncions de sindic. Totun, peth moment, Francés Boya non renonciarà ara acta coma conselhèr en govèrn d’Aran.

Era actuau vicesindica prumèra e conselhèra de Salut e Benèster, Maria Vergés, passarà a dirigir era maxima institucion aranesa, en tot convertir-se atau ena tresau hemna sindica. 

Eth pròplèu dijaus, en un plen extraordinari deth Conselh Generau d’Aran, Maria Vergés passarà a assumir era sindicatura de forma oficiau. 

Laura Rodríguez