Eth Conselh Generau d'Aran sollicite ara Generalitat participar en PROCICAT

28/11/2020

Era Val d’Aran, a trauèrs deth sòn govèrn, eth Conselh generau d’Aran, vò participar enes amassades deth Plan Territoriau de Proteccion Civiu de Catalunya, mès coneishut com PROCICAT. 

En aguest sens, era sindica d’Aran s’a adreçat ath conselhèr d’Interior dera Generalitat, Miquel Sàmper, entà sollicitar qu’eth Conselh Generau forme part deth PROCICAT, 

D’aguesta forma Aran poirie participar ena prenuda de decisions e transméter, atau, era realitat dera singularitat aranesa e deth sòn autogovèrn.

Des deth Govèrn, afirmen, era prioritat ei era contencion deth virus. Totun, era realitat dera Val d’Aran, plan depenent deth sector toristic e dera sason d’iuèrn, non a d’èster desbrembada ena prenuda de decisions.

Era dubertura de fòrça negòcis en Aran depen directaments des decisions de mobilitat qu’era Generalitat prengue.

Calerà, ara, demorar ara responsa dera Generalitat de Catalonha e comprovar se finauments eth Conselh poderà participar en aguestes amassades deth Procicat. 

Laura Rodríguez