Es aranesi dejà pòden seiguer-se tà préner quauquarren o minjar en interior des bars e restaurants.

Ei ua des activitats que permet era fasa 2 dera desescalada, ara quau just i acabe d’entrar era region sanitària deth nòste parçan, era deth Naut Pirenèu e Aran.

Era bona evolucion dera pandèmia deth Coronavirus ena Val d’Aran apròpe eth territòri a çò que dejà se coneish coma era naua normalitat, qu’arribarà un viatge s’acabe era tresau fasa dera desescalada. De moment, dejà s’a calat  ena fasa 2.

Calerà, totun, demorar entà poder visitar as usatgèrs dera residéncia geriatrica Sant Antòni de Vielha. 

Era Audiovisuau de Vielha tanpòc daurirà es sues pòrtes en aguesta fasa 2 pr’amor que se dobte dera sua viabilitat. Ath delà, es piscines municipaus d’Aran, coma dejà ei abituau, non se meteran en marcha enquia ben entrat eth ostiu.