Canejan a celebrat eth dia dera sua Hèsta Major en tot hèr un aumenatge a Enedina Deó per complir 100 ans

30/08/2018

Canejan a viscut eth sòn dia gran de hèsta major damb ua excellenta acuelhuda per part des vesins deth pòble, qu'as 11 deth maitin s'an amassat damb puntualitat ena glèisa de Sant Sernilh entà assistir ara missa en aunor a Sant Joan d'Agost.

En efècte, dobla celebracion en Canejan, donques que s'a profitat era escadença entà hèr un aumenatge a Enedina Deó, qu'eth passat 18 de junhsèga complic es 100 ans. Maugrat qu'ara demore en Barcelona, non dobte a passar er ostiu en pòble que la vedec a nèisher, Canejan.

Dempús dera missa, es assistents an pogut gaudir deth concèrt dera Corau Margalida de Bossòst, e dempús, d'un aperitiu aufrit per Ajuntament de Canejan damb musica occitana d’Arredalh en dirècte. E era hèsta non acabèc pas aquiu, mès qu'en un 29 d'agost non i podie pas mancar eth sopar popular provengut dera orquèstra que metec punt finau ad aguest dia tan especiau tà Canejan.

Ath delà, era candidatura dera localitat ath popular concors de Viles Florides a hèt que Canejan podesse lúder dera melhor forma era sua lutz e esplendor. Formar part deth projècte de Viles Florides ei un reclam toristic mès pr'amor que permet qu’es visitants poguen passejar per uns carrèrs floridi e mès apariadi. Viles Florides tanben hè possible eth renfortiment des relacions entre es vesins, ja que se compartís un projècte en comun.

Laura Rodríguez