Eth pòble de Bagergue a artenhut aguesta tarde era maximala distincion ena edicion "Viles Florides 2017" de Catalonha. 

Ha estat premiat damb quate Flors d'Aunor per dusau an, tot un reconeishement ath gran trebalh qu'a realizat era EMD amassa damb es vesins e vesies deth pòble. 

Pendent aguest ostiu, Bagergue a imprès e distribuit mès de 8.000 triptics toristics en otèls, apartaments e oficines de torisme, a participat ena creacion e promocion dera campanha "Viles Florides deth Pirenèu de Lhèida" amassa damb Rialp, Vilaller, Canejan e la Seu d'Urgell e a creat era "Ruta des Espaci Floridi", pera quau s'an consumit mès de 2.000 mapes que permeten recórrer e visitar es espacis e cornèrs floridi de Bagergue. 

Cau restacar tanben eth trebalh d'Arties e Canejan, qu'en aguesta edicion des "Viles Florides" an artenhut 3 e 1 Flor d'Aunor, respectivament. 

Fòrça felicitats ad aguesti pòbles aranesi que damb es sues flors alegren encara mès era Val d'Aran!

IMATGEs: JAUME BOLDÚ E EMD BAGERGUE