Er Ajuntament de Naut Aran se trape en tot executar ua sèrie d’actuacions ena entrada de Salardú entà recuperar ua des tradicionaus pòrtes d’accés qu'existie antigaments. 

Aguestes òbres tanben bastiràn un guardadèr e ua plaça a on s’i calarà eth nòm dera localitat. 

Ath delà, se plaçaràn jardinères e bancs en espaci. Eth consistòri destinarà un totau de 160.000 èuros entath conjunt d’aguestes accions.

Era pòrta se revestirà damb pèira e lòsa vielha en tot sajar de reprodusir çò de mès fidedignament possible era pòrta originau. Era prevision ei qu’aguestes òbres finalizen en pròplèu mes de junhsèga.

Per un aute costat, cau arrebrembar que Salardú ère un pòble amuralhat e compdaue damb aumens 3 pòrtes.

Un pòble que ben lèu aurà un atractiu culturau e istoric mès entà visitar e gaudir.