Eth Plen deth Conselh Generau d’Aran dejà a aprovat eth pressupòst de lèu 30 milions d’euròs entad aguest an 2019 damb es vòts a favor de CdA e era abstencion d’UA e PRAG.

Aguest pressupòst represente un increment deth 6% respècte ath der an anterior, ua part deth quau correspon as negociacions damb era Generalitat de Catalonha e er auta a convènis e programes europèus.

En aguest pressupòst, es partides mès destacades son es destinades a Salut e Benèster e a Pompièrs e Emergéncies.

Era oposicion, tot e auer-se mostrat d’acòrd en linhes generaus damb aguest pressupòst, òc que s’a mostrat critica damb era actuacion dera Generalitat de Catalonha.

En aguest sens, eth govèrn aranés se trapeara demora d’arribar a un acòrd damb era Generalitat çò que tanh ath modèl de finançament d’Aran.

Laguens  destinades a inversion d’aguest pressupòst trapam es 400.000 € entath refugi dera Honeria laguens d’un projècte de reequilibri territoriau, 286.000 € entar aquesiment de 2 naues ambulàncies e era equipa d’electromedicina des madeishes, 105.000 € ath refortiment e milhora interiora dera estructura dera glèisa de Sant Joan d’Arties o 100.000 € ara melhora dera Aubèrja “Era Garona” de Salardú, entre d’autes.