Era Val d'Aran s'a somat ath tsunami de manifestacions qu'a debanat aguest deluns 14 d'octobre en arrefús ara senténcia deth Suprèm que condemne as 12 liders politics catalans.

D'aguesta forma, uns 150 aranesi s'an concentrat ena plaça dera Glèisa de Vielha, a on s'a liejut un manifèst de condemna ara Senténcia. Ara seguida s'an entonat crits de libertat e independéncia, e s'a començat ua marcha peth carrèr principau deth cap-lòc dera Val d'Aran.

Er acte, organizat per Taula per Aran, non serà er unic en arrefús ara Senténcia que condemne a un totau de 100 ans de preson as liders politics catalans. Eth Sindicat d'Estudiants der Institut d'Aran vò amiar a tèrme ua grèva de 3 dies.