Es dies 23 e 24 de hereuèr, eth doctor arquitècte dera School of Architecture dera Universitat Internacional de Catalunya,  Josep Lluís i Ginovart, visitèc ena Val d’ Aran damb ua dotzena d’estudiants d’arquitectura de diferents païsi deth mon, en tot gaudir dera exposicion ARAN ME + FECIT, dubèrta enquiath 27 d’abriu ena glèisa de Sant Joan d’Arties.

Pendent era dimenjada visitèren tanben es glèises de Santa Maria d’Arties, Sant Andrèu de Salardú, Santa Eulària d’Unha, Santa Maria de Mijaran o era Purificacion de Maria de Bossòst, en tot diboishar e compréner es metòdes e elements arquitectonics des madeishes.

Er assessor de Cultura e Patrimòni deth Conselh Generau d’Aran, Jèp de Montoya, les acompanhèc, en tot dar-les ua sèria d’explicacions sus aguest auviatge culturau laguens deth sòn contèxt istòric e identitari.

IMATGE: CONSELH GENERAU D'ARAN