Un representant deth Comitat Olimpic Internacional (COI) a visitat era Val d’Aran coma prumèra presa de contacte entà valorar era candidatura olimpica Barcelona Pirenèus des jòcs d’iuèrn, ua visita englobada laguens des tres dies qu’a dedicat a recórrer es diferents sedences e infraestructures que poirien formar part d’aguesta candidatura.

Dempús de conéisher e veir de prumèra man es possibilitats, capacitat e excellent matèria prumèra, eth secretari generau der Espòrt dera Generalitat s’a mostrat convençut de que Barcelona Pirenèus pòt acuélher ues olimpiades d’iuèrn a compdar deth supòrt e acompanhament deth COI.

Pendent aguesta amassada s’a metut de manifèst era capacitat esportiua, naturau e otelèra dera Val d’Aran, territòri qu’acuelheria damb gran entosiasme aguesta candidatura olimpica.