Era Val d’Aran a arrecebut era visita dera Federacion de Municipis de Catalonha.

Pendent era sua prumèra jornada en territòri, es membres d’aguesta institucion participèren ena recepcion premanida per Ajuntament de Bossòst dubèrta as representants locaus deth país, ena quau se tractèren diuèrsi besonhs e singularitats des territòris petits e de montanha.

D’aguesta amassada gessec ua propòsta fòrça interessant qu’ei eth crear ua normatiua especifica entàs municipis petits, coma dejà an hèt uns auti païsi europèus.

Era amassada dera Federacion en Ajuntament de Bossòst se complète tanben damb es recepcions en Ajuntament de Vielha e Mijaran e en Conselh Generau d’Aran.

Ua visita fòrça necessària entà qu’aguesta institucion coneishe de prumèra man es besonhs especiaus qu’an es municipis aranesi e se poguen desvolopar accions entà implementar es milhores pertinents.