ACTUALITAT
Vilac compde damb 2 Desfibriladors Extèrns Automatics, que se trapen ena plaça dera glèisa e en locau dera EMD
03/12/2021
Aguesti aparelhs an estat subvencionadi ath 100% pera Diputació de Lleida, en tot aufrir garanties de seguretat e de prevencion ena via publica, en tot convertir Vilac en pòble cardio-protegit
Era Entitat Municipau Descentralizada de Vilac compde des d’aguesta tardor damb 2 Desfibriladors Extèrns Automatics (DEA) que se trapen ena Plaça dera Glèisa (ena paret dera sacristia) e en locau dera EMD.
Er aqueriment d’aguesti aparelhs a estat subvencionat ath 100% pera Diputació de Lleida en tot balhar garanties de seguretat e de prevencion ena via publica o en quinsevolh des equipaments municipaus que compden damb aguestes airines.
Er aqueriment d’aguesti aparelhs a estat subvencionat ath 100% pera Diputació de Lleida en tot balhar garanties de seguretat e de prevencion ena via publica o en quinsevolh des equipaments municipaus que compden damb aguestes airines.
Atau madeish, Vilac s’establís coma pòble cardio-protegit, e ajudarà a poder actuar damb rapides, en prumèra instància, en cas d’incidéncies de patologies deth còr. D’aguesta manèra, eth pòble guanhe en qualitat de vida.
Aguesta accion includís eth dispositiu d’installacion (columna o vitrina), un curs de formacion e un an de mantenement. Ath delà, era Diputació de Lleida balharà informacion sus coma amiar a tèrme eth mantenement deth DEA dempús deth prumèr an de mantenement, entre d’autes qüestions tecniques.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga