Eth municipi de Vielha e Mijaran compdarà, a compdar der an que ven, damb un Plan d’Igualtat d’Oportunitats. Er airau d’Accion Sociau der Ajuntament municipau dejà a iniciat es trebalhs entà méter en foncionament aguest projècte, qu’a de definir e concretar es politiques a portar a tèrme entà potenciar era igualtat de genre.

Eth principau objectiu d’aguest plan ei dessenhar ua sèrie d’accions que se poguen desvolopar a diferents nivèus, en tot amiar a tèrme trebalhs de formacion e estrategies politiques qu’incidisquen de forma dirècta enes activitats deth dia a dia des ciutadans e ciutadanes entà arténher ua major conscienciacion.

Aguest plan a estat encomanat a ua empresa extèrna, especialista en aguesti ahèrs e qu’aprigondís enes qüestions de genre enes localitats ruraus e de montanha.

Entath consistòri, aguest projècte supause un gran auanç en matèria d’igualtat.