Vielha e Mijaran comence es trabalhs de neteja des espacis verdi, cementèris e flors e jardineria deth municipi

09/06/2021

Eth procès de licitacion d’aguesti trabalhs, que s’a alongat pera adjudicacion des contractes, a endarrerit pendent diuèrses setmanes eth sòn inici

Era Ajuntament de Vielha e Mijaran a començat aguest mes de junh damb es trabalhs de neteja des espacis verdi de Vielha e des diuèrsi pòbles, atau coma era neteja des cementèris e plaçament des flors e d’auti prètzhèts de jardineria en municipi.

Eth procès de licitacion, que s’a alongat pera adjudicacion des contractes, a provocat que s’age endarrerit pendent diuèrses setmanes er inici d’aguesti trabalhs previsti ena primauera.


Aguesta licitacion cònste de contractes per 3 ans de diuèrsi lòts: espacis verdi de Vielha, cementèris, espacis verdi des pedanies, flors e jardineria.


“Des der Ajuntament de Vielha e Mijaran auem començat a realizar es tradicionaus trabalhs de neteja des espacis verdi, cementèris e jardineria en municipi. Era licitacion d’aguesti trabalhs mos a hèt a endarrerir eth sòn inici, mès en pòqui dies ja auram tot eth territòri polit e premanit entà qu’era gent gaudisque der ostiu, damb eth municipi enes condicions avientes”, comente eth baile de Vielha e Mijaran, Juan Antonio Serrano.


HÒNT: AJUNTAMENT VIELHA E MIJARAN
Manu Moga