Er objectiu non ei erradicar er insecte autoctòn, senon contribuïr ar equilibri naturau des sues poblacions.

Maugrat qu''Aran non ei ua zòna damb naut risc d'expansion dera processionària, enes darrèri ans s'a hèt mès evidenta era sua preséncia enes bòsqui per dessús des 1.200 mètres de nautor, pròplèu as pistes forestaus, fòrça transitades per vesins, toristes e a on tanben i a ramats.

Eth tractament consistís en lançar en forma de ploja fòrça fina un producte biologic qu'amendrirà era expansion dera processionària e era afectacion autant as arbes coma es persones e animaus. Es larves o petites erugues se mingen aguest producte e morissen.

En aguesta accion se tractaràn ues 500 ectares. Ena primauera se meteràn arratères damb feromones entà atrèir es parpalhòles e poder calcular era poblacion de processionària que i a, donades que serviràn tà decidir futurs tractaments de contraròtle.


HÒNT: CCMA