Un vesin dera Val d'Aran se trape en estat grèu dempús d'auer patit un accident tath tor des 08:50 deth maitin en punt quilometric 120 dera N-230. Er incident a estat provocat per ua pèira de granes dimensions (40x50cms), qu'a impactat en veïcul en tèrme municipau de Pònt de Suert, ara nautada deth pantan d'Escales. 

Es servicis d'emergéncies mediques l'an tractat en lòc der accident, e a estat trasladat en ua ambulància deth SEM enquiar Espitau dera Vall d'Hebron de Barcelona.

Aguest accident a provocat talhs deth transit entre es putns quilometrics 118 e 120 en tot dar pas alternatiu. Enquia d'aguest endret s'i an desplaçat 3 dotacions des Mossos d'Esquadra e ua de bombers.


Imatge: Bombers de la Generalitat de Catalunya